İntellektual yarışa yekun vuruldu

0

Təşkilatımızın üzvü  Arabov Rəşad Razim oğlu Azərbaycan Respublikasının Prezidenti yanında Gənclər Fondunun elan etdiyi VIII qrant müsabiqəsi çərçivəsində “C” kateqoriyası üzrə gənclər arasında “Nə?”,”Harada?”, “Nə zaman?” intellektual oyunu üzrə “Gənclik kuboku” layihəsini icra etmişdir. Layihə çərçivəsində 21-24 noyabr 2016-cı il tarixlərdə Qazax Dövlət Sosial-İqtisadi Kollecində yarışlar təşkil olunmuşdur. Bu gün keçirilən final yarışlarında Qazax şəhər M.Hüseyn adına məktəb-liseyin “Asteroid” komandası I yeri, Hüseynbəyli kənd tam orta məktəbin “İceberg” komandası II yeri, Qazax şəhər 1 saylı tam orta məktəbin “My way” komandası isə III yeri tutmuşdur.

Qalib komanda kubok və fəxri fərmanlarla, II, III yeri tutan komandaların üzvləri isə müvafiq fəxri fərmanlarla təltif olundular.

“Breyn-rinq” intellektual oyunu üzrə rayon birinciliyi keçirilmişdir

0

16 noyabr 2016-cı il tarixdə Qazax Gənclər Mərkəzində Qazax rayon Gənclər və İdman İdarəsinin təşkilatçılığı, rayon təhsil şöbəsinin və “Öyrədərək Öyrənirik” G.İ.İ.D.İ.B.-nin dəstəyi ilə yeniyetmələr və gənclər arasında breyn-rinq intellektual oyunu üzrə rayon birincilyi keçirilmişdir. Yarışda 25 komandadan 150 nəfər yeniyetmə və gənc iştirak etmişdir. BDU-nin Qazax filialının “Sarkazm” komandası I, Qazax şəhər 4 saylı tam orta məktəbin “All Stars” komandası II, müstəqil “Hür diviziya” komandası isə III yeri tutmuşdur. Qalib komanda kubok və diplomla, II və III yeri tutmuş komandalar isə diplomlarla təltif olunmuşdur.

“Elektron vətəndaş cəmiyyəti şəbəkəsinin inkişafı” layihəsinin yekunları ilə bağlı təqdimat mərasimi keçirilib

0

Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Şəmsi Əsədullayev” xeyriyyə ictimai birliyi tərəfindən həyata keçirilib.

www.qht.az portalının rəhbəri Cəsarət Hüseynzadə çıxış edərək bildirib ki, altı ay müddətində icra olunan layihə elektron vətəndaş cəmiyyəti şəbəkəsinin inkişafını əhatə edir. Bu təşəbbüsün əsas məqsədi vətəndaş cəmiyyəti təşkilatlarının institusional inkişafının dəstəklənməsi və cəmiyyətdə QHT-lərin fəaliyyəti ilə bağlı etimadın artırılmasıdır.

C.Hüseynzadə qeyd edib ki, layihə çərçivəsində müəyyən fəaliyyətlər həyata keçirilib: QHT-lərin xəbərləri yayımlanıb, QHT.az saytının texniki imkanları genişləndirilib və dizaynı yenilənib, QHT nümayəndələri üçün təlimlər keçirilib, E-bazaya QHT-lər haqqında məlumatlar daxil edilib və onlar üçün subdomenli saytlar hazırlanıb, QHT liderlərinin informasiya bankı yaradılıb, QHT.az saytından və şəbəkədən istifadə ilə bağlı videoçarx hazırlanıb.

Bildirilib ki, layihə çərçivəsində QHT-lərin fəaliyyəti, həyata keçirilən layihələr və tədbirlər haqqında minə yaxın xəbər hazırlanıb, saytda yayımlanıb. Bu xəbərlərin müəyyən hissəsi QHT-lər tərəfindən QHT.az saytına və öz subdomenli saytlarına daxil edilib. QHT.az saytının texniki imkanları artırılıb, dizayn yenilənib. Artıq şəbəkədə 500-dək QHT haqqında informasiya bazası formalaşdırılıb. Onlar üçün subdomenli saytlar fəaliyyət göstərir.

Layihə müddətində yaradılan QHT liderlərinin informasiya bankına 150-ə yaxın QHT rəhbəri haqqında məlumat daxil edilib və bloqlar yaradılıb. QHT.az – vətəndaş cəmiyyəti şəbəkəsindən istifadə qaydaları ilə bağlı videoçarx hazırlanıb.

Qeyd olunub ki, layihə çərçivəsində “QHT-lərin elektron resurslarının yaradılması və QHT nümayəndələrinin İKT bacarıqlarının inkişafı” mövzusunda Bakı, Quba, Şirvan, Mingəçevir və Gəncədə yeddi təlim keçirilib. Bu təlimlərdə ümumilikdə 124 QHT rəhbəri, QHT nümayəndəsi və könüllü iştirak edib. Təlimlərdə QHT-lərin vətəndaş cəmiyyəti şəbəkəsinin (www.qht.az) elektron bazasında qeydiyyatı, onlara məxsus subdomenli saytların idarə olunması, QHT liderlərinin informasiya bankının yaradılması, bloqlarının idarə olunması və QHT.az xəbər saytına QHT-lər tərəfindən xəbərlərin daxil edilməsi ilə bağlı praktiki məşğələlər aparılıb. Təlimlər zamanı təşkilatlar üçün subdomenli saytlar da yaradılıb.

Regionlarda təlimlərin yüksək səviyyədə keçirilməsinə Azərbaycan Respublikası Prezidenti Administrasiyası, Quba, Şirvan, Mingəçevir, Gəncə icra hakimiyyətləri, Milli QHT Forumu, YAP Gəncə Təşkilatı, Mingəçevir, Quba və Şirvan Regional QHT Resurs və Təlim mərkəzləri dəstək göstərib.

Tədbirdə çıxış edən Azərbaycan Respublikasının Prezidenti yanında QHT-lərə Dövlət Dəstəyi Şurasının üzvü Sahib Məmmədov şəbəkə barəsində fikirlərini bildirərək qeyd edib ki, baza QHT-lər və QHT-lər ilə əlaqəli digər qurumlar üçün önəmlidir. Əsas üstünlüyü də ondan ibarətdir ki, təkcə admin deyil, üzv təşkilatlar da bu məlumatları yeniləyə bilirlər.

Sahib Məmmədov eyni zamanda QHT-KİV münasibətlərinə toxunaraq bildirib ki, QHT-lər elə layihələr icra etməlidirlər ki, KİV bu layihələr haqqında informasiya hazırlamaqda maraqlı olsunlar.

Azərbaycan Respublikasının Prezidenti yanında QHT-lərə Dövlət Dəstəyi Şurası Katibliyinin məsləhətçisi Mirzağa Zaidov layihənin QHT-lər informasiya dəstəyi göstərdiyini, QHT-lər arası əlaqələrin genişləndirilməsində xüsusi rol oynadığını bildirib.

Tədbirdə çıxış edən Azərbaycan Respublikası Prezidenti yanında Gənclər Fondunun nümayəndəsi Mübariz Qədirov, Azərbaycan Mətbuat Şurası İdarə Heyətinin üzvü, Orta Asiya və Güney Qafqaz Söz Azadlığı Şəbəkəsinin sədri Azər Həsrət, Əlil Təşkilatları İttifaqının sədri Davud Rəhimli, “Beynəlmiləlçi Əlil Döyüşçülər” Fondunun prezidenti Sərraf Orucov , “Gənclərin Sosial Tərəfdaşlığı Mərkəzi” İctimai Birliyinin sədri Vüsal Əhmədov və digər QHT rəhbərləri QHT.az saytının vətəndaş cəmiyyəti təşkilatlarına dəstəyini yüksək qiymətləndirərək, bu fəaliyyətin davamlı aparılması zərurətini qeyd ediblər.

Layihənin sonunda təltif olunma mərasimi keçirilib.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin məsləhətçisi Mirzağa Zaidov Vətəndaş Cəmiyyəti Şəbəkəsinin formalaşmasında göstərdiyi dəstəyə görə QHT.az portalının Mükafatı ilə təltif olunub.

“QHT.az – Vətəndaş Cəmiyyəti Şəbəkəsi”ndə uğurlu fəaliyyətinə görə aşağıdakı QHT-lər Fəxri Fərmanla təltif ediliblər.

  1. “Gənclərin Sosial Tərəfdaşlığı Mərkəzi” İctimai Birliyi
  2. “Yurd” Gənclərin İntellektual İnkişafına Dəstək İctimai Birliyi
  3. “Azərbaycan Fotoqrafları” İctimai Birliyi
  4. “Ülfət” Əlillərin Sosial Problemlərinə Yardım İctimai Birliyi
  5. “Beynəlmiləlçi Əlil Döyüşçülər” Fondu
  6. “Beynəlxalq Əlillər Cəmiyyəti” İctimai Birliyi
  7. “Öyrədərək Öyrənirik” gənclərin intellektual inkişafına dəstək İctimai Birliyi
  8. “Yayım” Assosiasiyası
  9. “Ahıllara və Tənhalara Dəstək” İctimai Birliyi
  10. “Əlillərin Cəmiyyətə İnteqrasiyası” İctimai Birliyi

“Qarabağa doğru” sənədli-bədii filmi

1

Film artıq təşkilatımızın rəsmi “Youtube” kanalında yayımlanır.

“Qarabağa doğru” filminin təqdimat mərasimi keçirildi

0

14 oktyabr 2016-cı il tarixdə Qazax Mədəniyyət Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşdirilən və “Öyrədərək Öyrənirik” Gənclərin İntellektual İnkişafına Dəstək İctimai Birliyi tərəfindən icra olunan “Vətən üçün hazır ol!” layihəsi çərçivəsində çəkilmiş və 2016-cı ilin aprel döyüşlərində şəhid olmuş kapitan Mühüd Orucov, baş-leytenant Elvin Namazov və əsgər Orxan Əliyevə həsr olunmuş “Qarabağa doğru” sənədli-bədii filminin təqdimat mərasimi keçirilmişdir.

Tədbirdə ilk əvvəl filmin treyleri yayımlandı. Daha sonra Qazax rayon Gənclər və İdman İdarəsinin məsləhətçisi, filmin çəkiliş qrupunun üzvü İsmayıl Süleymanov layihə haqda qısa məlumat verdikdən sonra, filmə baxış keçirildi.

Film izləndikdən sonra şəhid ataları Qurban Orucov, Məhəmməd Əliyev və Məmməd Namazov film barədə öz ürək sözlərini söylədilər. Bundan sonra Sərbəst güləş üzrə milli yığma komandamızın böyük məşqçisi Firdovsi Umudov və Qarabağ qazisi, ehtiyatda olan baş-leytenant Kamil Musəvi çıxış edərək filmin ərsəyə gəlməsində əməyi keçən hər kəsə təşəkkürlərini bildirdilər, eləcə də, bu cür tədbirlərin tez-tez keçirilməsinin vacibliyini vurğuladılar.

Daha sonra tədbir iştirakçılarına buklet və film diskləri paylanıldı. Tədbirdə 400 nəfər iştirak etdi.

 

 

“Qarabağa doğru” filminin treyleri yayımlandı

0

Layihə çərçivəsində rəsm müsabiqəsi keçirildi

0

03 oktyabr 2016-cı il tarixdə Qazax Dövlət Rəsm Qalereyasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı və “Öyrədərək Öyrənirik” Gənclərin İntellektual İnkişafına Dəstək İctimai Birliyinin təşkilatçılığı ilə həyata keçirilən “Vətən üçün hazır ol!” layihəsi çərçivəsində rəsm müsabiqəsi təşkil olunmuşdur. Tədbiri giriş sözü ilə Qazax rayon Gənclər və İdman İdarəsinin məsləhətçisi İsmayıl Süleymanov açaraq, layihə barədə qısa məlumat vermişdir. Daha sonra Qazax Dövlət Rəsm Qalereyasının müdiri Mənəvvər Xəlilova, Mədəniyyət İşçiləri Həmkarlar İttifaqının Qazax rayon Komitəsinin sədri İsgəndər Qurbanov, Qazax rayon Mədəniyyə və Turizm şöbəsinin baş məsləhətçisi Nailə Əliyeva çıxış edərək gənc rəssamlara uğurlar arzuladılar. Daha sonra əl işlərinə baxış keçirildi. İşlərin içərisindən ən yaxşı 6 iş (3 oğlan və 3 qız rəssamın əl işləri) “Öyrədərək Öyrənirik” Gənclərin İntellektual İnkişafına Dəstək İctimai Birliyi tərəfindən diplom və qiymətli hədiyyələrlə mükafatlandırıldı.

Oğlanlar:

I yer Qurbanov Bəhruz Zahid

II yer Quliyev Eşqin Əmir

III yer Əlizadə Coşqun Elxan

Qızlar:

I yer Veysova Lalə Ayaz

II yer Kərimova Elnurə Faiq

III yer Carçılı Ema Ramil

“Vətən üçün hazır ol!” layihəsi çərçivəsində inşa-yazı müsabiqəsi keçirildi

0

20 sentyabr 2016-cı il tarixdə Qazax şəhər S.Əfəndiyev adına 1 saylı tam orta məktəbdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı və “Öyrədərək Öyrənirik” Gənclərin İntellektual İnkişafına Dəstək İctimai Birliyinin təşkilatçılığı ilə həyata keçirilən “Vətən üçün hazır ol!” layihəsi çərçivəsində orta ümumtəhsil məktəblərinin yuxarı sinif şagirdləri arasında inşa-yazı müsabiqəsi təşkil olundu. Müsabiqədə 22 nəfər şagird iştirak etdi. 3 nəfərdən – Qazax rayon Ş.Şahvələdov adına Xanlıqlar kənd tam orta məktəbin müəlliməsi Allahverdiyeva İlhamə Aydın qızı, Qazax şəhər S.Vurğun adına 2 saylı tam orta məktəbin müəlliməsi Dünyamalıyeva Sənəm Məhəmməd qızı və Qazax şəhər F.Şamoyev adına 4 saylı tam orta məktəbin müəlliməsi Sanıyeva Nazilə Ziyaddin qızı – ibarət münsiflər heyətinin rəyinə əsasən, Qazax rayon A.Əliyev adına Hüseynbəyli kənd tam orta məktəbin XI sinif şagirdi Əsgərova Ülkər Əhəd qızı I yerə, Qazax şəhər F.Şamoyev adına 4 saylı tam orta məktəbin XI sinif şagirdi Hacıyeva Gülər Rafət qızı II yerə, Qazax şəhər S.Vurğun adına 2 saylı tam orta məktəbin X sinif şagirdi Süleymanova Türkan Mübariz qızı və Qazax şəhər İ.Qayıbov adına 3 saylı tam orta məktəbin XI sinif şagirdi Yusifova Aydan Əfqan qızı isə III yerə layiq görüldülər.

Qalib və mükafatçılar “Öyrədərək Öyrənirik” G.İ.İ.D.İ.B. tərəfindən qiymətli hədiyyələr və müvafiq diplomlarla təltif olundular.

Tədbir iştirakçılarına 100 (yüz) ədəd buklet paylandı.

 

“Vətən üçün hazır ol!” layihəsinin hazırlıq prosesi davam edir

0

Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə “Öyrədərək Öyrənirik” G.İ.İ.D.İ.B tərəfindən 15 iyul – 15 oktyabr 2016-cı il tarixlərdə “Vətən üçün hazır ol!” layihəsi icra olunur. Vətənpərvərlik mövzusunda həyata keçirilən bu layihə çərçivəsində sentyabr ayında inşa-yazı müsabiqəsinin, oktyabr ayında isə rəsm müsabiqəsinin keçirilməsi planlaşdırılır. Bundan başqa, layihə çərçivəsində bu ilin aprel ayında torpaqlarımızın bütövlüyü uğrunda şəhid olmuş kapitan M.Orucov, baş-leytenant E.Namazov və əsgər O.Əliyev haqda “Qarabağa doğru” adlı filmin çəkilişi həyata keçirilmişdir. Filmin çəkilişləri Qazax rayonunun Fərəhli, Yuxarı Salahlı kəndlərində, habelə “N” saylı hərbi hissədə və Daş Salahlı kəndi ərazisində yerləşən meşəlik ərazidə aparılmışdır. Filmin təqdimat mərasiminin oktyabr ayının 10-15-i aralığında keçirilməsi nəzərdə tutulur.

Keçiriləcək tədbirlərin dəqiq vaxtı barədə məlumatlar saytımızda və facebook səhifəmizdə yerləşdiriləcəkdir.

Layihə çərçivəsində yekun tədbir keçirildi

0

09.06.2016-cı il tarixdə saat 11-00-da Qazax Ədəbiyyat Muzeyinin konfrans zalında “Biz dini radikalizm və ekstremizmə qarşıyıq” layihəsi çərçivəsində son tədbir keçirildi. İlk əvvəl İ.Süleymanov layihənin yekunları barədə məlumat verdi. Daha sonra DQİDK-nin Tovuz rayon şöbəsinin müdiri E.Vəliyev və şöbənin əməkdaşı V.Əliyev mövzu ətrafında fikirlərini bölüşdülər. Maraqlı diskussiya şəraitində keçən tədbirdə Qazax Dövlət Sosial-İqtisadi Kollecinin tələbələri, ümumtəhsil məktəblərinin şagirdləri, vətəndaş cəmiyyəti nümayəndələri və s. iştirak edirdi.

Go to Top